香港中文大學學生會天文學會

香港中文大學學生會天文學會為一學術組織,本會旨在向大眾推廣天文,並為本會會員提供一個學術交流的平台作有系統性之天文研究,並以天文學研習激發同學的互助與學習精神。

本會會章

暮映 ── 第四十五屆幹事會

「暮」意指日落之時、夜幕之啟,而「映」即照耀。夜色中仍然輝映的亮 光正是星辰,寄意我們對漫天星海的追逐,亦因天文而聚。同時盼寓我們 能如同漆夜中的星光般,映耀周遭,將天文普及至四方。

「暮映」代表著本屆十二位幹事的寄盼,希望毋忘對天文的熱忱,謹懷初心,推廣天文之樂。

45
44
43
42
41
40
39
38
37
36
35
34
33
32
31
30
29
28
27
...
近期活動
中學生天文計劃2019
全港學界天文問答比賽 2019
2019年度聯校露營活動
天文講座:事件視界
北京內蒙古觀星團
星匯一爐 -- 聯書院燒烤觀星
2019年 週年會員大會
活動回顧
上知天文,下知地理 -- 觀星營
天文講座
「人馬座的巨人 ─ 銀河系中心的大黑洞」
聯大天文計劃2018
迎新活動2018
中學生天文計劃2018
全港學界天文問答比賽2018
星 • 祭
天文講座
「宇宙來的災禍–六個毀滅世界的方法」
「星緣 ❖ 宿願」 內蒙古 • 北京 • 11天觀星團
周年會員大會2018 (AGM2018)
天文學術講座 ─「蟹狀星雲的前世今生」
迎新營2017
迎新日2017
傾莊2017
藝墟2017
全港學界天文問答比賽2017
天文學術講座 ─「重力三百年:從牛頓到愛因斯坦的重力波」
中學生天文計劃2019
簡介

中學生天文計劃2019 - 現已接受報名!

今年暑假,中大天文將會舉辦以「時空穿梭」為主題嘅「中學生天文計劃2019」,帶大家喺三日兩夜嘅宿營入面,體驗中大獨有嘅文化🛤,感受天文嘅迷人之處☄~

—————————————————

「人生天地之間,若白駒過隙,忽然而已。⏳」一直以嚟,時間喺我哋嘅世界都係不停咁快速流動緊,而且永遠只係隨住同一個方向走。平時去旅行就去得多,但係時空旅行我諗就應該仲未有人試過。如果我哋得到打開時間之門嘅鎖鑰🔑,可以隨意回到過去,穿越未來,我哋究竟又可以做到啲咩🕵‍♂?

無論你係熱愛天文,想尋找同好追尋浩瀚宇宙嘅奧妙🔭;定只係想學下新嘢,認識新朋友🕺;或者係想試下喺大學住宿,感受下中大嘅人文氣息👀。如果你都想下尋找時間嘅真諦,或者係幻想世界入面體驗一次時空旅行,咁今個暑假就要嚟參加我哋嘅中學生天文計劃啦🤓!。

活動詳情

👨‍🚀中學生天文計劃 2019🌌
🌟中大遊蹤 🌟天文講座 🌟簡易天文儀器製作 🌟營火晚會 🌟偵探遊戲 🌟觀星

主題:時空穿梭🕰
迎新日:7月22日(一)
宿營:7月25日至27日(四至六)
地點:香港中文大學
(宿營地點:聯合書院陳震夏宿舍)
嘉賓:香港中文大學物理系 湯兆昇博士、練立明博士
對象:全港中三至中六學生(2019-2020)*
費用:$650(包宿費、營Tee、營袋、部分膳食等)
*未滿十八歲之參加者必須簽署免責聲明書及家長/監護人同意書

心郁郁想報名嘅話,去下面嘅連結就得㗎喇💞!心動不如行動啦☄:
https://bit.ly/2L8qWOK

截止報名日期:6月20日(四)

全港學界天文問答比賽2019
簡介

今年七月,中大天文將會聯同中大物理系系會舉辦「全港學界天文問答比賽2019」。呢個比賽旨在為各間中學提供交流天文知識嘅機會,並增進中學生對天文嘅興趣同了解,提倡學習科學嘅風氣。有興趣嘅朋友不妨留意以下比賽詳情,本會誠摯邀請各校學生參加本次比賽。

比賽詳情

日期:2019年7月6日(六)
時間:上午9時30分至下午5時正
地點:香港中文大學信和樓LT2
參賽費用:每隊$150*
*只接受以中學學校名義參賽🏫

當日仲會有香港中文大學物理系朱明中教授為參加者主講天文講座😄。想了解更多比賽詳情嘅話,請查閱我哋嘅報名表格👉:https://bit.ly/2ZwvB0g

報名方法:
1. 將報名表格電郵至 cuhkastron1920@gmail.com🖱
或者
2. 郵寄至「新界沙田 香港中文大學 范克廉樓 LG7 天文學會」📬

截止報名日期:2019年6月29日(六)

2019年度聯校露營活動
簡介

🗣 好大壓力呀呀呀呀呀~

嚟到Sem尾,趕緊deadline、温緊final嘅大家係咪覺得好迷失好冇靈魂,好似一個 #壞咗嘅人 呢😥🙁?不過,睇開啲嘅話,喺你捱緊Sem尾嘅時候,姐係代表住Sem Break即將來臨🤩~

今個六月,中大天文聯同 逸夫天文學會、城大旅學會、浸大山藝歷奇學會 為大家呈獻 JOINT-U WILD CAMP,希望大家考完Final之後安心鬆一鬆,可以搵返自己😍!想體驗同一大班人到野外露營嘅朋友記得千其千其唔好錯過喇👀!

活動詳情

🏕 JOINT-U WILDCAMP ⛺
對象:各大專院校學生
費用:$380

📌O day
日期:6月19日(三)
地點:香港城市大學

📌正 Camp
日期:6月21日至23日(五至日)
地點:西貢 灣仔西營地
內容:真火Campfire*、水Game、D Game、觀星環節
*Campfire不會在灣仔西營地進行

想報名嘅話,填妥我哋嘅Google form就得㗎喇🧐:
https://bit.ly/2ZdBXBI

截止報名日期係6月12號(三)。如有查詢,請聯絡活動負責人。

天文講座:事件視界
簡介

黎明話,核心嘅外圍係核心嘅內圍。
天文話,黑洞嘅外圍係事件視界嘅內圍。
但係事件視界係咩嚟呢?快啲嚟我哋嘅天文講座學下嘢啦!

活動詳情

主題:事件視界 Event Horizon
講者:朱明中教授(中大物理系教授)
日期:9/4/2019 (星期二)
時間:晚上7時至8時30分
地點:香港中文大學科學館(煲底)L2
語言:粵語
無需報名,費用全免。歡迎所有人士參與

北京內蒙古觀星團
簡介

| 💨奔奔跑跑沙丘上 馬壯牛強
| 🐴威威風風馬背上 胸襟開朗
| 💃我高聲歡呼我是熱與光~

今個盛夏,中大天文即將帶大家去內蒙古展開觀星之旅🤩~

| 🌫風塵天外飛沙,日月窗間過馬。

想捉緊時間⏱,為僅餘嘅青春留下美好時光💞?咁就要快啲報名參加,一齊出走去追星啦💫!
活動詳情

🌟北京內蒙古觀星團🌟

📍呼和浩特 📍響沙灣 📍七星湖沙漠 📍希拉穆仁草原 📍內蒙古博物院 📍居庸關長城 📍北京大學 📍南鑼鼓巷

日期 👉🏻 2019年5月28日至2019年6月7日
對象 👉🏻 中大天文學會 會員(先到先得形式)
(如為非會員,可先入會成為本會會員)
名額 👉🏻 28人
團費 👉🏻 HKD$7000
報名詳情 👉🏻 https://goo.gl/forms/gGMS7Dp16QSEKgii1
截止日期 👉🏻 2019年4月7日(日)

🐾🐾🐾🐾🐾🐾🐾🐾🐾🐾🐾🐾🐾🐾

星匯一爐 -- 聯書院燒烤觀星
簡介

🚨🚨🚨號外🚨🚨🚨
一年一度聯天文學會bbq🍢🌌又黎啦❗
🔥🔥🔥🍡🍢🍠🥩🔥🔥🔥
今年4個天文學會⭐為大家準備咗個既精彩✨又窩心💕嘅活動!🌌🍢星匯一爐🍢🌌出爐🔥啦!
十幾度嘅涼風🌬陣陣,係時候搵返個暖爐🔥暖暖身啦,咁就梗係非BBQ❗不可啦~
除咗可以同一大班朋友👭👬燒燒佢之餘,重可以去充滿住浪漫氣氛💘嘅堤壩到觀星🌠🌟!
💓想同莊員👯‍♀Omate👩‍👧‍👧👨‍👦‍👦男女朋友💏一齊bb佢❓
💓想學下點樣觀星✨🌠學下天文知識❓
💓想放鬆🤸🏻‍♂一下日日chur功課project💢📝嘅心情❓
💁‍♀使乜諗?我地星匯一爐幫到你😏!
活動詳情

合辦團體:香港中文大學學生會天文學會(下稱中大天文學會)、香港中文大學新亞書院學生會天 文學會(下稱新亞天文學會)、香港中文大學聯合書院學生會天文學會(下稱聯合天文學會) 、香港中文大學逸夫書院學生會天文學會(下稱逸夫天文學會)

日期:二零一九年二月二十六日(星期二)
時間:18:45 – 22:15
地點:大美篤燒烤場
集合地點:大埔墟港鐵站 A1 出口
解散地點:船灣淡水湖堤壩
費用:會員:$50、非會員:$65
付費方式:銀行入數/轉帳,詳細資料在提交表格後經Whatsapp傳送
報名表格:https://goo.gl/forms/5zPGQonAdJ6WjV6F3

截止報名日期:二零一九年二月十八日(星期一)

註:
1. 詳細資料在提交表格後經Whatsapp傳送
2. 如有任何更改將即時通過FACEBOOK專頁發怖,參加者會另獲通知
3. 如有任何查詢請聯絡各個學會聯絡人
4. 參加需自行負責個人安全,如發生任何意外,四個學會均不會負責
2019年 周年會員大會
活動詳情及報名表格

日期:2019 年 1 月 24 日
時間:17:00開始
活動地點:范克廉樓LG13A室(即百佳旁的玻璃房)
天文通訊
2019/20
第二期
第一期
2018/19
第四期
第三期
第二期
第一期
2019/20 第二期
指星筆知多少🔭🌌

指星筆其實就唔係「激光炮」、亦都唔係「鐳射槍」,而係一支射激光上個天度嘅電筒/ laser pointer。我哋會用佢嚟指示星星嘅位置,又或者畫出星座俾其他觀星嘅人睇到邊粒星打邊粒星。

 

🔦 點解要用指星筆而唔用手指呢?

你去過睇星就會知,喺冇指星筆嘅情況之下,其實好難話俾隔籬嗰個聽你睇緊邊粒星。例如,你只能夠話「嗰pat呢,紅色嗰粒星嗰邊有個三角形叉出去變Y字形,右手邊有pat濛濛地好似有8粒星咁呢…」(大家留言估下講緊咩天體?)、又或者「近排嗰度有粒好光嘅星,側邊有粒紅紅哋嘅星叉出去一點三點四點位置各有一粒星,向下同左下位置有一排星,成條J咁呢…」(又喺留言估下講緊咩星座,同好光嗰粒星係咩嚟?)。

但喺有指星筆嘅情況之下,我哋就可以隨時攞嚟指住講緊嘅星體同連起啲星畫出星座。

 

🔦 用指星筆有咩要注意㗎?

1. 唔好射到眼
2. 唔好射到飛機,會照到機艙,影響飛行安全
3. 好喺其他人影星嘅時候射上天(所謂阻人影星燒…報紙)
4. 指星筆唔係攻擊性武器

 

🔦 除咗指星之外 laser pointer仲有咩用㗎?

仲可以好似尋星鏡咁,幫助望遠鏡快速搵到要搵嘅天體。只要將指星筆痴住個望遠鏡,調較支望遠鏡嘅角度到支laser指住想睇嘅天體,再微調就可以了。

又或者做presentation嘅時候可以攞嚟指下個powerpoint咁囉。

(其實仲可以攞嚟同貓玩😻!!但可唔可以同狗玩就唔清楚了,據聞啲狗狗好驚俾laser射到~)

 

🔦 點解我見啲指星筆多數都係綠色嘅?

因為護眼。講笑///// (:好笑~)

因為紅色波長較長射上天度唔係好覺眼,而藍色紫色又會能量太高妨礙睇星,綠色亦都喺星體入面比較少見,所以多數都會用綠色。



Photo Credit:Alice Lau
撰文:Tiffany Pang
2019/20 第一期
人類史上首張黑洞相片

天文學家早前將全球多個地方嘅無線電望遠鏡組成網絡,模擬建構口徑有成個地球直徑咁大嘅巨型望遠鏡🔭,從而觀測位於遙遠星系嘅黑洞⚫,呢個計劃名為事件視界望遠鏡(Event Horizon Telescope, EHT)。

 

呢項計劃就公佈咗佢哋拍攝到嘅第一張相片(即係你而家見到嘅呢張🖼️),對象係位於五千四百萬光年外嘅M87星系中心嘅超大質量黑洞,佢嘅質量大概係太陽嘅六十五億倍😨。

 

今次嘅觀測係人類歷史上首次捕捉到黑洞嘅影像,除咗再一次引證愛因斯坦嘅相對論之外,都見證住人類喺宇宙探索上向前邁進咗一大步😋。



Photo Credit:Event Horizon Telescope
撰文:Alex Hui
2018/19 第四期
武仙座海格力斯故事(續)

上次講到海格力斯為左贖罪,所以接受左12個任務。🤔咁第一項任務係要征服森林🌳 入邊既一隻食人巨獅🦁。海格力斯背著箭筒,帶著一支弓🏹同埋一根木棍就出發。

 

見到這獅子後,海格力斯先用弓箭射佢,箭卻反彈翻黎,再用木棒打佢,粗木棒卻碎裂。 佢先知道原來呢隻獅子係刀槍不入🙅‍♂️,無論用石器、銅器、鐵器,都無辦法傷害到佢。海格力斯只好同獅子肉搏,憑著自己力大無窮既天賦,最終徒手掐死左獅子🦁。為左紀 念呢件事,宙斯就將獅子放到天空🌌,成為大家今日睇到既獅子座🤤。

 

而第二項任務係要殺死一隻九頭大蛇🐍黑德拉。呢隻九頭大蛇非常危險, 將其中一個頭砍斷的話,會再生翻兩個頭出黎,危險性亦會隨之而倍增🆘。 所以海格力斯就諗到個方法💡,就係一邊砍蛇頭一邊用火燒切口處🔥,令佢 啲蛇頭無法再重生🙅‍♂️。最後就將呢隻巨蛇消滅左啦🤩!成為而家既長蛇座。🤤

 

而係海格力斯同巨蛇對戰既途中👀,赫拉為左打敗海格力斯,派出巨蟹🦀從沼澤竄 出,偷偷攻擊海克力士雙腳,佢一怒之下就將巨蟹一腳踩死☠️,事後赫拉為左記念 巨蟹,就將佢執起升上天空🌌,成為巨蟹座🦀。

 

後來海格力斯利用佢既智謀🤔同埋天生既神力💪,將十二個任務一一完成😳。死後就 被封為英雄升上天上,化成武仙座😍。



(Photo cr to kknews)
撰文:芮愷程
最新消息 NEWS

如欲參加本會活動,可按此獲取最新活動報名連結。

中大天文 Instagram ,各位可以按此瀏覽。

中大天文 Facebook Page ,各位可以按此瀏覽。

公佈第四十五屆幹事會選舉參選結果及選舉日程 (按此了解詳情

委任第四十五屆幹事會選舉委員會事宜
按此了解詳情

最新消息 EVENTS
大專天文學界聯合聲明

大專天文學界就有學生因購買觀星筆被捕之聯合聲明

昨日(二零一九年八月六日)傍晚,香港浸會大學學生會會長方仲賢於深水埗鴨寮街購買觀星筆後,被便衣警員截查搜身,並以「藏有攻擊性武器」之罪名將其拘捕。大專天文學界極為關注事件,並就此強烈譴責警方無理濫捕,製造白色恐怖。

被警方於當晚與傳媒會面時稱作「鐳射槍」的觀星筆(或常稱指星筆),實為天文同好於觀星時常用之工具,用作指向天上天體及星座,以便辨認及講解,論資排輩,實在未敢與威力雷霆萬鈞的「鐳射槍」相提並論。事實上,學界眾多天文學會亦管有大量觀星筆,以在觀星活動中向大眾講解並普及天文,數量遠不止是次事件中,方同學所購入的區區十支。故就觀星筆本身用途而言,其絕非作攻擊之用,僅為平常的觀星工具。 有關攻擊性武器的定義,根據《公安條例》第二條,攻擊性武器指「任何被製造或改裝以用作傷害他人,或適合用作傷害他人的物品,或由管有或控制該物品的人擬供其本人或他人作如此用途的任何物品」。

按照上述定義,首先就「被製造或改裝以用作傷害他人」而言,觀星筆絕非武器,其被製造的主要意圖為作觀星之用。其次,觀星筆可否用作攻擊性武器、是否為「適合用作傷害他人的物品」,重點應在於涉案者是否有意圖以觀星筆作攻擊性用途。方同學被拘捕時,僅剛購買並管有觀星筆,未有以此作出任何攻擊,亦無任何直接證據顯示其擁攻擊意圖。在缺乏充足證據及合理懷疑下,警方直接拘捕方同學顯然為濫捕。

身為一眾天文愛好者,我等一再重申,觀星筆不過是尋常的觀星工具,人手一支,常備左右。但是次事件中,方同學僅因管有觀星筆而被捕,簡直無稽至極!卑陋荒唐的濫捕行為更令天文學界、以至公眾人心惶惶,營造白色恐怖。我等多年來一直致力於本港普及並推廣天文,現卻人人自危,連抬頭望星都恐怕要鋃鐺入獄。大專天文學界再次在此強烈譴責警方羅織罪名,濫捕無辜,製造恐慌,並要求警方立即釋放方仲賢同學,還社會一個清晰交代,還天文學界一片再無白色恐怖的浩瀚星海,還公眾一份盡情享受天文之樂的自由!

香港大學學生會天文學會
香港中文大學學生會天文學會
香港中文大學伍宜孫書院學生會天文學會
香港中文大學逸夫書院學生會天文學會
香港中文大學崇基學院學生會天文學會
香港中文大學新亞書院學生會天文學會
香港中文大學聯合書院學生會天文學會
香港公開大學學生會天文學會
香港城市大學學生會天文學會
香港科技大學學生會天文學會
香港浸會大學天文學會
香港理工大學學生會天文學會
嶺南大學學生會天文學會

二零一九年八月七日



2018 會訊
2016 會訊
2015 會訊
2013 會訊
2012 會訊
2011 會訊
會室
地址

香港中文大學范克廉樓LG07室
Room LG07, Benjamin Franklin Centre, The Chinese University of Hong Kong

開放時間

星期一至五

聯絡
郵箱

香港中文大學范克廉樓 63號郵箱
Mailbox No.63, Benjamin Franklin Centre, The Chinese University of Hong Kong

電郵地址

cuhkastron1920@gmail.com

專頁
facebook
instagram